Sandvolleyballbana offisielt opna

Sandvolleyballbana ved Årneset har vore i flittig bruk i sommar. Laurdag vart den endelig offisielt opna.

I eit øsande regnvêr opna ordførar Ragnhild Aarflot Kalland bana med ein symbolsk serv over nettet.

Snart eitt år har gått sidan sanden først kom på bana. Men sjølv om den ikkje har vorte opna før no, har det vore stor aktivitet på sandbana i løpet av sommaren.

Torgeir Dimmen vore leiar for arbeidet med å få bana på plass. Under opningstalen la han vekt på at bana er fri for alle som vil spele volleyball.

- Det var ein klar forutsetning både frå kommunen og oss om at bana skal vere open for alle å bruke. Alle som vil, skal få prøve å spele volleyball, sa han.

Med sand frå Ryfylket og stenger og nett av høgaste kvalitet, vona han at bana vil verte flittig brukt og skåna for hærverk i framtida.

* Ordførar Ragnhild Aarflot Kalland tek den symbolske første serven etter opninga.

« Attende